பயணிகள் போக்குவரத்து மற்றும் சுற்றுலாத்துறையை மேம்படுத்தும் நோக்கில், தமிழ்நாடு ஆம்னி பேருந்து உரிமையாளர்கள் சங்கமும் (AOBOA), மலேசிய சுற்றுப்பயண மற்றும் பயண முகவர்கள் சங்கமும் (MATTA) சென்னையில் ஒரு புரிந்துணர்வு ஒப்பந்தத்தில் கையெழுத்திட்டுள்ளன. இந்த ஒப்பந்தத்தில் AOBOA தலைவர் திரு. அ. அன்பழகன் மற்றும் MATTA அமைப்பின் கௌரவப் பொதுச் செயலாளர் திரு. சுப்பிரமணியம் புனுசாமி ஆகியோர் கையெழுத்திட்டனர். மின்சாரப் பேருந்துகள் (Electric Buses), டிஜிட்டல் முன்பதிவு, பயணிகள் பாதுகாப்பு, வாகனப் பராமரிப்பு, ஊழியர்களுக்கான பயிற்சி மற்றும் சுற்றுலாப் பேருந்து இயக்கம் போன்ற துறைகளில் பரஸ்பர அறிவுப் பரிமாற்றத்தை இந்த ஒப்பந்தம் ஊக்குவிக்கிறது. இந்த ஒப்பந்தம் மூன்று ஆண்டுகளுக்கு நடைமுறையில் இருக்கும்.